凭《天若有情》一曲成名，27年冇拍过拖，如今恨穿婚纱自己买！

香港经典电影有好多，陈木胜的《天若有情》绝对系之一，富家女遇上古惑仔，早已注定是苦恋结局。

当中有唔少场面同歌曲，到今时今日仲有人讲紧，好似套戏嘅主题曲，由袁凤瑛（Shirley）主唱嘅《天若有情》，绝对系经典之一，特别系音乐一奏起，便联想到电影结尾华Dee拎刀捅死黄光亮的悲壮一幕。

袁凤瑛表示：「出去登台嘅时候，呢个差唔多系必唱啦，当只歌红嘅时候其实我未系真正入行，只歌红紧嘅时候直至佢红完，其实我都系一个OL，所以你话有咩感觉，其实真系冇咩感觉。」

袁凤瑛于破碎家庭成长，不愉快的童年对佢有好大影响：「父母在我读初中离婚，直至我17、8岁，佢哋各自组织家庭，之后日子就系自己照顾自己，所以好多时候喺摸索当中，自己经历过危险阶段。希望破碎家庭中嘅小朋友，千祈唔需要灰心，最紧要你肯去学嘢，搵得番啱自己条路。」

从小钟意唱歌的袁凤瑛，1986年参加过第五届新秀歌唱比赛，同黎明、许志安、关淑怡及黄翊同届，不过袁凤瑛无缘晋身决赛。1988年，佢「转台」参加亚视举办嘅《未来偶像争霸战》，虽然都系落选，但就捧咗个「最佳形格奖」。

到1990年，罗大佑同滚石唱片公司合作，在香港成立音乐工厂，袁凤瑛成为罗大佑旗下歌手，备受力捧更凭《天若有情》一曲走红。

当年好多歌手都歌影视三栖咁发展，袁凤瑛则专心一致做歌手，仅有客串过大热剧《壹号皇庭III》，饰演强奸案受害人。

1991至1994年间，先后推出3张专辑，分别系《若是你能听见》、《戏迷倩人》同《不知不觉间》。

可惜一直红歌唔红人，只推出过这三张唱片，就悄悄离开乐坛：「我觉得幕前工作系人生一部份经历，我经历过之后，「咦，究竟啱唔啱自己呢？」当年嘅文化，我觉得自己唔系太适合呢行。」

离开娱乐圈之后，袁凤瑛决定走去读心理辅导：「因为童年破碎家庭，令我对人性好有兴趣，读完之后帮咗自己。当时最大打击除咗细个屋企问题，自己开第一间音乐中心时唔够经验，同拍档意见不合，后果系我意想不到，深刻明白到作为艺人背后带嚟嘅恐惧。」

当年袁凤瑛觉得困在死局，曾经谂过做傻事，佢今日回想当初，佢最想多谢佢亲哥哥：「当时真系谂过结束自己生命，因为冇家庭支持，个人好沮丧，99年到02年都唔开心，03年开始读书，对人性了解开始放下，依家自己做咗人老师，懂得教学生面对咁大困难，自己点样企番直，唔好咁轻易谂负面方向，在困难时只要有一个人，肯行埋嚟你身边畀支持你，其实你都有好大力量，所以大家唔好放弃。」

唔讲唔知，原来自91年Shirley入行开始到今日，Shirley一直都无拍过拖，足足26年无拍过拖。

袁凤瑛坦言自己都恨做吴倩莲嘅⻆色：「我觉得最经典系最尾吴倩莲喺天桥跪低，好伤心呢一幕，其实自己好希望系happy ending，华Dee返嚟扶起吴倩莲，好想有呢个梦想中嘅ending。」

现年51岁嘅袁凤瑛，未有结婚，至今仍然孤单一人。其实喺佢嘅生命中，有冇出现过「华Dee」呢？

袁凤瑛表示：「虽然我做歌手日子唔长，但嗰几年，几靓仔又见过，几有才华又见过，自己比较要求高，反而我系一个追求人生意义嘅人，爱情遇到有就有，如果冇唔好强求。依家对住咁多学生，可以将我嘅爱发放出去，唔一定要有爱情生活。」

问到恨唔恨着婚纱？佢坦白话：「当然恨啦，所以自己买嚟着，好似今日咁，几满足，又有华Dee。」余生一个人度过，怕唔怕孤独终老？佢豁达话：「我唔怕喎，我唔怕寂寞，enjoy一个人空间，当你要热闹，有学生知己，都好开心。」 

依家嘅袁凤瑛，面上经常挂着笑容，笑看人生：「所以依家积极啲，开心乐观啲去面对，最紧要系我开始摸索到，喺娱乐圈点同人相处，游戏方式系点。」

袁凤瑛将于5月复出舞台，为《天若有情》的填词人李健达演唱会做嘉宾，最近更为奇妙电视拍摄心理分析节目，感兴趣的朋友可以多多关注哦。

☞转载授权微信：lama129

☞ 商务QQ：1900556960

☞投稿邮箱：tghkchannel@163.com

推荐几款又污又好玩的小游戏给大家

无需下载

点击“HKChannel”菜单栏就能玩！

Mr.H每天也偷偷的在玩哦！

2017让我们一起闯关吧！

↓↓↓戳阅读原文无需下载，点击即玩更多好玩的游戏！